ACTUALITÉS (bis)
Dernière modification : le 02-Déc-2004 21:36 (GMT+1 / Bruxelles)

 

 

http://www.gouv-exil.org/

 

Le Général de Division (à titre temporaire)
M ALI ABDILLAHI IFTIN

Commandant le Mouvement Djiboutien
de Libération Nationale

 

 

02/12/04 - Golaha Wasiirrada Soomaaliya oo lagu dhawaaqay.

Cabdiraxmaan Koronto
BBCSomali.Com

Waxaa la magacaabay 27 wasiir waxaana dhiman afar kale

Ra'iisal wasaaraha dowladda KMG ah ee Federaalka ah ee Soomaaliya, Cali Maxamed Geeddi, ayaa maanta goobtii munaasabadda magacaabista dowladdiisa ka sheegay in wasiirradiisu ay ka koobnaan doonaan 31 wasiir, laakin uu magacaabayo 27 ka mid ah, wuxuuna sidaasi ku sheegay khudbad yar oo uu jeediyey ka hor intii aanan la guda-gelin munaasabadda wasiirrada.

Cali Maxamed Geeddi waxa uu sheegay in afar xubnood oo ka ah golihiisa wasiirrada uu weli wada xaajood ula socdo oo aanu magacaabin, isagoo caddeeyey in afartaasi xubnood aanay labo ka mid ahi xitaa ku sugnayn gudaha dalka Kenya oo ah halka dowladda lagu dhisayo.

Intaasi kaddib waxaa la guda galay magacaabistii iyo dhaarintii wasiirrada cusub, waxaana munaasabaddaasi lagu dhaariyey 23 ka mid ah wasiirrada cusub.

Jawiga iyo ka qeybgalka munaasabadda

Weriyeheenna Cabdiraxmaan Koronto oo inooga soo warramayey goobta ay munaasabaddaasi magacaabista wasiirrada dowladda cusub ka dhacaysay ayaa sheegay in jawiga goobta uu ahaa mid wanaagsan, iyadoo ay munaasabaddaasi ka qeybgaleen madaxweynaha dalka Kenya, Mudi Awori kaaso sheegay in magacaabista wasiirradan ay dhammaystir u tahay shirkii muddada labada sano ah Soomaalida uga socday dalka Kenya, isagoo u hambalyeeyey masuuliyiinta cusub una rajeeyey in ay ku guulaystaan shaqada loo xil-saaray.

Waxaa sidoo kale goobjoog ka ahaa goobtaasi Ambassador Kiplagat oo dowladda Kenya u qaabbilsanaa shirka Soomaalida, xildhibaannadii dowladda cusub iyo xubno kale oo ka socday beesha caalamka.

Magacyada oo kaamil ah ilaa inta hadda lagu dhawaaqay

1) Wasiirka Arrimaha Dibedda C/laahi Sheekh Ismaaciil
2) Wasiirka Awqaafta iyo arrimaha Diinta Cumar Maxamed Maxamuud (C Finish)
3) Wasiirka Batroolka iyo Tamarta Yuusuf Axmed Maxamed
4) Wasiirka Beeraha Xassan Maxamed Nuur (shaatiguduud)
5) Wasiirka Boostada iyo Isgaarsiinta Cali Axmed Jaamac (jangali)
6) Wasiirka Caafimaadka Cabdicasiis Sheekh Yuusuf
7) Wasiirka Dalxiiska iyo ilaalinta Deegaanka Maxamed Maxamuud Xayd
8) Wasaaradda Dastuurka iyo Arrimaha Federaalka Cabdalla Isaaq Deeroow
9) Wasaaradda Dhalinyarada iyo Isboortiga Maxamed Warsame Cali
10) Wasaaradda Dib u dhiska iyo dib u dejinta Barre Jaamac Shire Hiiraale
11) Wasiirka Gaashaandhigga CAbdiraxmaan Maxamuud Cali
12) Wasiirka Gaadiidka Cirka iyo dhulka Cali Ismaaciil CAbdi
13) Wasiika Ganacsiga Muuse Suudi Yalaxow
14) Wasiirka Garsoorka Sheekh Aadan Maxamed Nuur (Madoobe)
15) Wasiirka Howlaha guud iyo guriyaynta Cismaan Xassan Cali (caato)
16) Wasiirka Hiddaha iyo Tacliinta Sare Xuseen Maxamuud Sh Xuseen
17) Wasiirka Horumarinta Haweenka iyo Daryeelka Qoyska Fowsiyo Maxamed Sheekh
18) Wasiirka Xanaanada Xoolaha Xuseen Ceelaabe Faahiye
19) Wasiirka Dhaqancelinta iyo Tababarada Maleeshiyooyinka Maxamed Bootaan
20) Wasiirka Iskaashiga Gobolka Ismaaciil Maxamed Hurre Buubaa
21) Wasiirka Kalluumaysiga iyo khayraadka Badda Xassan Abshir Faarax
22) Wasiirka Maaliyadda Saalim Caliyoow Ibrow
23) Wasiirka Qorshaynta iyo Iskaashiga Caalamiga Cabdirisaaq Cismaan Xassan
24) Wasiirka Shaqada iyo Shaqaalaha Ibraahim Aadan Xassan
25) Wasiirka Warfaafinta Cali Faqi
26) Wasiirka Warshadaha Cabdi Maxamed Tarrax
27) Wasiirka Waxbarashada Cali Cabdullaahi Cosoble.