ACTUALITÉS (bis)
Dernière modification : le 23-Déc-2004 23:25 (GMT+1 / Bruxelles)

 

 

http://www.gouv-exil.org/

 

Le Général de Division (à titre temporaire)
M ALI ABDILLAHI IFTIN

Commandant le Mouvement Djiboutien
de Libération Nationale

 

 

24/12/04 - SOMALIA - Baarlamaanka oo ansixiyey Cali M. Geedi.

Baarlamaanka Federaalka KMG ah ee Soomaaliya ayaa waxa uu maanta fadhi ku yeeshay xarunta Mbagathi ee magaalada Nairobi.

Fadhigaasi maanta waxaa ka qeybgalay xildhibaanno ka badan 250 xubnood, halkaasoo madaxweynaha dowladda KMG ah ee federaalka Soomaaliya, Cabdullaahi Yuusuf Axmed, uu si rasmi ah ugu gudbiyey ra'iisal wasaarihii uu dhowaan dib u soo magacaabay, Cali Maxamed Geeddi, si sharci ahaan kalsooni looga helo baarlamaanka.

Iyadoo la tix raacayo qodobka 49-aad ee Axdi Qarameedka KMG ah ee Soomaaliya, ayaa waxa uu baarlaamku si aqlabiyad ah ugu codeeyey ansixinta ra'iisal wasaaraha cusub. Waxaa u cod bixisay ra'iisal wasaaraha cusub in ka badan 220 xildhibaan, iyadoo ay lix kalena diideen, inta hartayna ay ka aamuseen.

Ansixinta

Guddoomiyaha baarlamaanka, Sharif Xasan Sheekh Aadan, ayaa cod bixinta kaddib waxa uu si rasmi ah ugu dhawaaqay in ra'iisal wasaare Cali Maxamed Geeddi aqlabiyad lagu ansixiyey, sidaasi darteedna uu sharcigu farayo in uu dowladdiisa ku soo dhiso muddo bil gudaheed ah.

Ra'iisal wasaaraha cusub, Cali Maxamed Geeddi, ayaa markii la dhaariyey kaddib waxa uu u mahadceliyey baarlamaanka iyo madaxweynaha fursadda ay siiyeen isla markaasna wuxuu ballan qaaday in uu xukuumaddiisa ku soo dhisi doono nidaamka 4.5 ee wax qeybsiga beelaha Soomaaliyeed.

Digniin

Cali Maxamed Geeddi waxa uu ka digay in aysan suurtogal ahayn in 275-ta xildhibaan aanay kulligood ku biiri karin golaha wasiirrada, hase ahaatee loo baahan yahay dadaal wadajir ah iyo wada tashi ballaaran in lagu wajaho hawlaha qaranka ee horyaalla dowladda cusub.

Muddo hadda laga joogo 12 maalmood ayaa waxaa ra'iisal wasaaraha cusub dib u magacaabay madaxweynaha Cabdullaahi Yuusuf Axmed kaddib markii golaha baarlamaanku uu aqlabiyad weyn ku riday dowladdii uu soo dhisay ra'iisal wasaare geeddi.

Baarlamaanka wuxuu cod aqlabiyad ah ku ansixiyey Cali Maxamed Geeddi
Xilligaasi waxa uu baarlamaanku sheegay in uu cuskaday axdi qarameedka qodobbo ka mid ah oo la sheegay in la baalmaray.

Le parlement somalien a désigné Mohamed Ali GUEDI, comme premier ministre .

226 voix pour

6 voix contre

24 voix abstentions

Secrétariat général du Gouvernement en Exil de Djibouti.
50 Avenue des Roses - 54630 - Richardménil - France.
Téléphone et télécopie : 00 33 (0)3 83 25 77 26.
exildj@gouv-exil.org